Ég held að myspace síðurnar séu alveg að taka yfir þessum blogg-heimi. En kannski er það bara ágætt.
Ég ákvað samt að setjast niður og skrifa eina stutta færslu.
Það hefur svo sem ekki mikið gerst síðustu vikurnar í lífi mínu, allt hefur sinn vanagang og nú er komið þetta ágætis sumar sem lofar góðu. Nú um helgina fór ég nú samt í þórsmörk með Áslaugu, Ragga, Thelmu, Hjalta og Berglindi sem var virkilega skemmtileg og vel heppnuð ferð og veðrið bara ágætt þrátt fyrir frekar mikinn vind. Ég er samt alltaf að komast að því að það klæðir mig ekki að sofa í tjaldi, ég er svo mikil Primadonna.. Við fórum í mjög skemmtilegan helli þar sem maður veður í vatninu uppá nára, við erum að tala um MJÖG kalt vatn eða um 6 gráður.... Við Áslaug ætluðum nú að hætta við á tímabili en Raggi náði að pína okkur með því að sverja að þetta mundi venjast (þar að segja kuldinn), ég er nú ekki viss um að hann hafi beint vanist en tærnar voru alveg að detta af þegar við komum útúr hellinum en ég neita ekki að ég hefði ALDREI viljað missa af þessu. Næstu helgi er planið að mála bæinn rauðan ásamt Helgu Margréti og Heiðu, það lofar alltaf góðu þegar við gerum eitthvað, eða amk hafa síðustu skipti ekki klikkað!! Svo eru strákarnir (Dóri, Valli, Jói, Egill og Villi) væntanlegir heim þann 11.júlí og þá verður húllum hæ...  Þetta verða alveg skemmtilegar helgar framundan....
En þangað til næst.... bless í bili elskurnar.

Núna er að koma maí og allir að læra fyrir próf nema við pakkið sem ákváðum að taka okkur frí, við sjáum auðvitað ekkert eftir því en frekar skrítið að geta gert hvað sem er núna, en ekki sitja sveitt yfir glósum og bókum...  En þið sem eruð í prófum, gangi ykkur vel.
Þar síðasta helgi var heldur betur skemmtileg. Á föstudeginum var ég heima hjá Áslaugu ásam Thelmu og Berglindi sem var að koma heim frá Spáni eftir 8 mánaða dvöl í því ágæta landi, mjög skemmtilegt kvöld þar. Á laugadeginum ákvað Finnur að halda svona lítið teiti þar sem hann hafði orðið 21 árs gamall þá vikuna, til hamingju með það Finnur minn. Það partý var frábært í alla staði, fullt af nýju skemmtilegu fólki og auðvitað slatti af áfengi við hönd. Eftir það var farið niður í bæ þar sem allir gerðust partý-púkar og vildu fara heim nema ég (aldrei þessu vant) svo ég auðvitað neyddist til að fara heim þar sem peningastaðan var ekki góð og ég hefði aldrei haft efni á leigubíl heim.   En framundan eru margar skemmtilegar helgar, afi 70 ára næsta laugadag, svo kosningar og Eurovision og auðvitað afmælið hennar Báru minnar... 
jæja, læt þetta gott heita í bili....

Ykkar Gerður Anna

oki Brynja, ég skal blogga....  ég sit hérna í náttfötunum mínum á hótel herbergi í Orlando, á leiðinniheim í rigninguna....Er búin að vera hérna í draumalandinu í rúmar 3 vikur, og trust me, I love it.
Ég skal nú samt viðurkenna að ég er búin að sakna allra heima. Vildi helst hafa alla með mér hérna, þá er fríið fullkomnað.  Við erum sko búin að gera margt skemmtilegt í þessari ferð en eins og flestir vita þá eru amma og afi með okkur í ferðinni, alls ekki verra.  Við erum meðal annars búin að fara í Busch gardens sem er skemmtigarður og vatnsgarður, mjög gaman. við vorum dugleg að versla á daginn en einnig aðeins að kíkja á sólina. Á kvöldin höfum við fundið okkur ýmislegt skemmtilegt að gera, meðal annars mini-golf og go-kart. við vorum í fínu húsi sem við leigðum og nutum þess einnig bara að vera heima og hafa það huggulegt.
Núna sitjum við hérna í Orlando og bíðum eftir að eiga að fara af hótelinu og chilla þangað til vélin okkar fer heim um 11 á íslenkum tíma í kvöld.... Ég verð mætt á klakann í fyrramálið, friðurinn er úti elskurnar....
P.S. Birgir, taktu vel til eftir partýin....:) Sjáumst elskurnar.

Þessi helgi var ansi róleg hjá mér, enda búin að vera lasin og ansi slæm í bakinu undanfarna daga. En ég er viss um að það batnar allt þegar stelpurnar mínar koma heim, þá verða ekki rólegar næstu helgar.... En þegar þær koma þá fara Valli, Dóri og Jói sem verður ekki gaman, partýljónin að yfirgefa landið....  En þeir munu vonandi skemmta sér vel og skoða heiminn fyrir okkur hin....
Það er einmitt velkomin heim partý fyrir stelpurnar næsta föstudag og svo kveðjupartý fyrir strákana á laugadaginn svo það er nóg að gera. Svo helgina eftir það er ég að vona að Bára geti kannski reddað okkur krökkunum bústað svo að við getum haft eina kósý helgi í pottinum með bjór.... Svo eru aðeins 19.dagar í Flórída, sem án efa verður frábær ferð í alla staði.
Jæja, ég vona að vikan ykkar verði góð....
Kveðja Gerður

Jamm, ég hélt að ég væri ein af fáum sem mundi sleppa við flensuna þetta árið, en neinei, ég er ekki svo heppin, ég er heima í dag lasin. Og þegar maður er lasin heima, hvað er það sem maður gerir? Maður horfir á sjónvarpið en guð minn góður, dagskráin er svo léleg að það er ekki einu sinni hægt að horfa á sjónvarpið svo ég lagðist uppí rúm hjá múttu og horfði á hana taka til í skápunum sínum.
Jamm, við Elín erum orðnar mjög spenntar að fá stelpurnar heim eftir einmitt viku í dag...erum meira að segja búnar að panta borð á American Style klukkan 7 þann 8. mars næstkomandi, veitir ekki af góðum fyrirvara enda ekkert smá vinsæll staður... Eins gott að þær beili ekki á þessu sko, þá er lítið eftir af vináttu okkar.

En jamm, eins og ég segi, takið ykkur spólu ef þið vitið að þið eruð að verða veik, amk ekkert í TV!!!
Fröken Anna Larsen lasna!

Jamm, stundum á rólegum kvöldum finnur maður sjálfan sig í ýmsum skrítnum hugleiðingum. Þannig moment átti ég í dag. Ég lá heima og fór að hugsa um gamla fólkið sem ég vinn með, sem er eins konar fjölskylda mín. Fólkið þarna kemur og fer, stundum sér maður eftir þeim sem fara en stundum er minni söknuður þar sem nýtt fólk kemur í staðin. Einhvern vegin er það þannig með okkur mannfólkið að við kynnumst fólki misvel, en í minni vinni virðist ég (því miður stundum) kynnast fólkinu of vel og þegar loks kemur að endasprettinum hjá þeim, sárnar manni yfir þessu öllu, líkt og maður sé að missa náinn fjölskyldumeðlim, maður horfir uppá fólk þjást og fjara út, ekki mikið réttlæti í því.

En þess á milli þakkar maður auðvitað fyrir það sem maður hefur og veit að þetta er gangur lífsins.

Það hefur ekki mikið gerst hjá mér undanfarið nema vinna og sjúkraþjálfun sem er að sjálfu sér nokkuð notalegt líf. ÉG vildi bara koma frá mér þessum hugsunum.
Ykkar Anna Larsen

Jájá kæru hálsar, ég er búin að sjá stórborgina París.... Lygi væri að segja að ég hefði ekki skemmt mér vel þessa ágætu helgi.   En synd væri að segja að ég hefði heillast af Parísborg, er miklu hrifnari af Köben.  Það var mjög gaman að hitta mínar ágætu vinkonur aftur, Brynju og Báru, þær eru bara orðnar ágætar í frönskunni og pöntuðu matinn og alles á því ágæta tungumáli, en ég aftur á móti sem er orðin stúdent í heimsmálinu eins og góðvinkona mín Hjördís kallaði það, lét bara krakkana um að panta....  Já, það styttist nú í heimkomu stelpanna. Við Óskar lentum í Keflavík í skítakulda og ég þurfti að byrja á að skafa bílinn, draumur allra sem eru að koma úr flugi...
Mamma var flugfreyja í fluginu heim og gat aðeins gefið okkur Óskari smá extra-þjónustu, ekki slæmt.
Jæja, nú er bara að hlakka til næstu utanlandsferðar, Flórída, þann 23.mars!

Þetta er nóg í bili... Kveðja Gerður Anna (Anna Larsen)

Já, lítið annað hægt að segja en  Ég hef aldrei skemmt mér svona vel yfir handboltaleik en aldrei verið svona sorgmædd eftir handboltaleik, alveg skelfilegt að tapa þessu eftir að eiga svona góðar seinustu mínútur. En eins og sannir íþróttamenn óskum við Dönum til hamingju.
Já, annars er lítið um lífið að segja. Ég er búin að fá óskir um alls kynd gúmmelaði sem ég á að taka með mér í farteskið til parísar á föstudaginn, og mun ég að sjálfsögðu reyna að verða við óskum allra í þeim málum... 
Jæja, ég er farin niður að gráta... 

Anna Larsen sem er búin að snúa baki við grönnum sínum dönum....

Jæja kæu hálsar....núna tapaði landsliðið í dag fyrir okkar grönnum Þjóðverjum...sem svo sem skipti kannski ekki öllu uppá framhald okkar í þessari keppni en samt alltaf leiðinegt að tapa. Svo kemur það bara í ljós í kvöld hverjum við mætum í næsta leik...
Ég er nú mest lítið búin að gera þessa helgi nema horfa á spólu bæði kvödin og líkaði bara ágætlega. Svo er það vonandi bíóferð í kvöld þar sem það er nú sunnudagur!!!
Nú styttist í helgarferðina mína til Parísar og er ekki annað hægt að segja en að það sé kominn smá spenningur í mig, amk svona að sjá París í fyrsta sinn í góðra vina hópi.

Jæja, Nú er bara kominn matur og ég bið að heilsa í bili.... Anna Larsen

Jamm, þessi helgi átti að vera ansi róleg en annað kom á daginn. Ég var að vinna alla helgina svo afslöppunin var í lámarki. En alltaf gott að ná sér í smá auka pening með svona helgum.
Ég var í kaffiboði hjá Unni hans Vidda í dag ásamt allri fjölskyldunni, mjög huggulegt og vel lukkað.

Annars er lítið búið að vera gert undanfarna daga nema vinna, sjúkraþjálfun og er svo að byrja í ræktinni, aldrei of seint að taka sig á... Svo er aldrei að vita nema maður finni sér einn sætan þarna í Orkuverinu, amk nóg af svona massakögglum...

Ég talaði aðeins við elsku bestu vinkonur mínar á föstudaginn og þær voru bara ansi sprækar, enda ekki skrítið, bara að njóta lífsins í botn í Montpellier, hvað er betra?
Amk, ekki að vera hérna í þessum skítakulda á klakanum.

Jæja, ég er farin að sofa svo ég verði spræk í vinnunni á mogun....

Anna Larsen